बिन्ध्यवासिनी हाइड्रोपावर डेभलपमेन्ट कम्पनी लिमिटेडले चालु आर्थिक वर्ष २०८२/८३ को पहिलो त्रैमासको अपरिस्कृत वित्तीय विवरण प्रकाशन गरेको छ। यस अवधिमा कम्पनीको खुद नाफा ३६.३७ प्रतिशतले बढेर ८ करोड ७१ लाख पुगेको छ। अघिल्लो आर्थिक वर्षको यसै अवधिमा कम्पनीको खुद नाफा ६ करोड ३९ लाख रुपैयाँ थियो।
समीक्षा अवधिमा कम्पनीको विद्युत बिक्रीको आम्दानी १०.४९ प्रतिशतले बढेर १६ करोड ६४ लाख पुगेको छ। यस अवधिमा कम्पनीको ब्याज खर्च ५.९५ प्रतिशतले घटेर ३ करोड २२ लाख कायम भएको छ । विद्युत बिक्रीको आम्दानी बढेर तथा ब्याज खर्च घटेको कारण कम्पनीको खुद नाफा बढेको देखिन्छ ।
यस अवधिमा कम्पनीको प्रति शेयर आम्दानी ३०.८७ रुपैयाँ रहेको छ भने प्रति शेयर नेटवर्थ ११६.८८ रुपैयाँ रहेको छ। यस अवधिमा कम्पनीको चुक्ता पुँजी १ अर्ब १२ करोड रुपैयाँ रहेको छ ।
