शिवम् सिमेन्टले शिवम् होल्डिंङ्सबाट ९ करोड ८६ लाख रुपैयाँ लाभांश पाउने पाउने भएको छ। शिवम् होल्डिंङ्सले आर्थिक वर्ष २०८२/८३ को मुनाफाबाट २.५० प्रतिशतले हुन आउने ११ करोड ६० लाख रुपैयाँ बराबरको नगद लाभांश वितरण गर्ने प्रस्ताव गरेको छ ।
शिवम् होल्डिंङ्समा ८५.०३ प्रतिशत लगानी शिवम् सिमेन्टको रहेकोले सो लाभांशको ८५.०३ प्रतिशत लाभांश शिवम् सिमेन्टले पाउने छ । जुन करिव ९ करोड ८६ लाख रुपैयाँ हुन आउँछ।
शिवम् होल्डिंङ्सले भदौ १४ गतेको लागि साधारणसभा पनि बोलाएको छ । सो सभामा कम्पनीले अब अंकित मूल्य मै आईपीओ निष्काशन गर्ने प्रस्ताव पेश गर्दै छ। कम्पनीले यस अघि प्रिमियम मूल्यमा आईपीओ निष्काशन गर्नको लागि नेपाल धितोपत्र बोर्डमा आवेदन दिइसकेको छ। अब कम्पनीले साधारणसभामा प्रस्ताव लगेर सो मूल्य संशोधन गर्ने अख्तियारी संचालक समितिलाई दिन लागेको हो ।
सभामा ३ जना संचालकको निर्वाचन गर्ने प्रस्ताव पनि पेश हुने छ।
