नेपाल एसबिआई बैंकले चालु आर्थिक वर्ष २०८२/८३ को पहिलो त्रैमासको अपरिस्कृत वित्तीय विवरण प्रकाशन गरेको छ। यस अवधिमा बैंकको खुद नाफा घटे पनि विभिन्न सूचकमा भने सुधार देखिएको छ।
समीक्षा अवधिमा बैंकको कुल गैर ब्याज आम्दानी २९.३७ प्रतिशतले बढेर ४७ करोड ६० लाख पुगेको छ । बैंकको संचालन आम्दानी ४.४० प्रतिशतले बढेर १ अर्ब ७६ करोड ४० लाख पुगेको छ। बैंकको कुल सम्पति १८.७७ प्रतिशतले बढेर २ खर्ब ४८ अर्ब पुगेको छ। बैंकको ग्रस एनपीए घटेर ३.०१ प्रतिशत कायम भएको छ। आर्थिक वर्ष २०८१/८२ को चौथो त्रैमासमा बैंकको यस्तो एनपीए ३.३५ प्रतिशत थियो।
आर्थिक वर्ष २०८२/८३ को पहिलो त्रैमासमा बैंकले बैंकले ५० करोड १५ लाख खुद नाफा कमाएको छ । अघिल्लो आर्थिक वर्षको यसै अवधिमा बैंकको खुद नाफा ८१ करोड ४६ लाख थियो। बैंकको खुद ब्याज आम्दानी १ अर्ब ३१ करोड रहेको छ। अघिल्लो आर्थिक वर्षको यसै वढीमा बैंकको खुद ब्याज आम्दानी १ अर्ब ३४ करोड रहेको थियो। बैंकको कुल संचालन आम्दानी १ अर्ब ४७ करोड रहेको छ भने संचालन मुनाफा ७१ करोड ५७ लाख रहेको छ।
यस अवधिमा बैंकको वितरणयोग्य मुनाफा १ अर्ब ५० करोड रहेको छ भने वितरणयोग्य प्रति शेयर नाफा २१.५५ रुपैयाँ रहेको छ। बैंकको खराब कर्जा ३.०१ प्रतिशत रहेको छ।
यस अवधिमा बैंकको प्रति शेयर आम्दानी १८ रुपैयाँ ४१ पैसा रहेको छ भने प्रति शेयर नेटवर्थ १९३ रुपैयाँ १६ पैसा रहेको छ। १० अर्ब ८९ करोड चुक्ता पुँजी रहेको बैंकको रिजर्भमा ८ अर्ब ६४ करोड रहेको छ।
