मितेरी डेभलपमेन्ट बैंकले चालु आर्थिक वर्ष २०८२/८३ को पहिलो त्रैमासको अपरिस्कृत वित्तीय विवरण प्रकाशन गरेको छ। प्रकाशित विवरण अनुसार यस अवधिमा कम्पनीले २ करोड ५२ लाख रुपैयाँ खुद नाफा कमाएको छ।
अघिल्लो आर्थिक वर्षको यसै अवधिको तुलनामा कम्पनीको खुद नाफा २४२.६१ प्रतिशतले बढेको छ। अघिल्लो आर्थिक वर्षको पहिलो त्रैमासमा कम्पनीले ७३ लाख ६१ हजार मात्र खुद नाफा कमाएको थियो।
समीक्षा अवधिमा कम्पनीको खुद ब्याज आम्दानी ७७.२८ प्रतिशतले बढेर ७ करोड २९ लाख पुगेको छ। कम्पनीको संचालन आम्दानी ८२.०९ प्रतिशतले बढेर ८ करोड ६० लाख पुगेको छ । यस अवधिमा कम्पनीले सभावित जोखिमको लागि इम्पेयरमेन्ट चार्ज अन्तर्गत १ करोड ६० लाख रुपैयाँ छुट्याएको छ। कम्पनीको संचालन नाफा २४२.५८ प्रतिशतले बढेर ३ करोड ६० लाख पुगेको छ।
कम्पनीको वितरणयोग्य मुनाफा बढेर १७ करोड ७९ लाख पुगेको छ । यस अवधिमा कम्पनीको प्रति शेयर आम्दानी ८.२९ रुपैयाँ रहेको छ भने प्रति शेयर नेटवर्थ १४३.२८ रुपैयाँ रहेको छ। कम्पनीको खराब कर्जा १.८० प्रतिशतबाट घटेर ०.५५ प्रतिशत कायम भएको छ।
१ अर्ब २१ करोड चुक्ता पुँजी रहेको कम्पनीको रिजर्भमा ३४ करोड ८७ लाख रुपैयाँ रहेको छ।
