मनकामना इन्जिनियरिङ्ग हाइड्रोपावर लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गरेको छ। जस अनुसार कम्पनीको नोक्सानी अघिल्लो आर्थिक वर्षको तुलनामा घटेको छ ।
अघिल्लो आर्थिक वर्षको अन्तिमसम्ममा कुल ४ करोड १६ लाख रुपैयाँ नोक्सानीमा रहेको मनकामना इन्जिनियरिङ्ग हाइड्रोपावर कम्पनी गत आर्थिक वर्षको सोही अवधिमा २ करोड ७ लाख नोक्सानीमा रहेको छ ।
विद्युत बिक्री आम्दानी बढेको र वित्तीय खर्च घटेका कारण नोक्सानी पनि घटेको हो ।
यस अवधिमा कम्पनीको विद्युत बिक्री आम्दानी १०.११ प्रतिशत र कुल नाफा ७.२९ प्रतिशतले बढेको छ । अन्य आम्दानी ८३३.७५ प्रतिशतले बढेको छ भने वित्तीय खर्च २६.८२ प्रतिशतले घटेको छ ।
असार मसान्तसम्म कम्पनीको प्रतिशेयर आम्दानी २ रुपैयाँ ६० पैसा ऋणात्मक रहेको छ भने प्रतिशेयर नेटवर्थ ६३ रुपैयाँ ७७ पैसा रहेको छ ।
८० करोड रुपैयाँ चुक्ता पूँजी रहेको यस कम्पनीको रिटेन्ड अर्निङ्ग २८ करोड ९८ लाख रुपैयाँ ऋणात्मक छ ।
