नबिल इन्भेष्टमेन्ट बैंकिंग लिमिटेडले मङ्सिर ९ गतेदेखि नबिल ग्रोथ फण्ड नामक सामुहिक लगानी कोष योजनाको इकाई निष्काशन गर्ने भएको छ। यस योजनाको आकार १ अर्बको रहेको छ। जसमा १० रुपैयाँ अंकित मूल्यमा १० करोड इकाई निष्काशन हुने छ।
जस मध्ये १ करोड ४० लाख इकाई कोष प्रबर्दक नबिल बैंकलाई छुट्याईएको छ भने १० लाख इकाई योजना व्यवस्थापक नबिल इन्भेष्टमेन्टलाई छुट्याईएको छ । बाँकी ८ करोड ५० लाख इकाई सर्वसाधारणको लागि निष्काशन हुने छ ।
यस निष्काशनमा लगानीकर्ताले छिटोमा मङ्सिर १४ गतेसम्म र ढिलोमा मङ्सिर २३ गतेसम्म आवेदन दिन सक्ने छन् । आवेदन दिँदा न्युनतम १०० इकाई र अधिकतम १ करोड इकाईको लागि आवेदन दिन सकिनेछ।
बन्दमुखी प्रकृतिको यस योजनाको अवधि १० वर्ष रहेको छ। नेपाल धितोपत्र बोर्डले कार्तिक ११ गते फण्ड संचालनको अनुमति दिएको थियो।
