सिडीएस एण्ड क्लियारिङले एक डिम्याट खाताबाट अर्को डिम्याट खातामा शेयर हस्तान्तरण गर्ने कार्य स्थगित गरेको छ। हाल एक डिम्याट खाताबाट अर्को डिम्याट खातामा शेयर हस्तान्तरण गर्ने कार्य BO to BO उल्लेख्य रुपमा बृद्धी हुन गएको र यसले सम्पूर्ण कार्य संचालनमा प्रभाव पर्न गएकोले अब सो कार्य स्थगित गरिने सिडीएसले जनाएको छ ।
सिडीएसले २०८१ साउन २३ गतेबाट अर्को सूचना जारी नभए सम्मको लागि बैंकबाट बन्धकी राख्नको लागि अनिवार्य गर्नु पर्ने र कुनै आर्थिक दायित्व सिर्जना हुने पुष्टि हुने कागजात भएको हकमा मात्र BOBO कार्य गरि स्वीकृतीका लागि पठाउन सम्पूर्ण निक्षेप सदस्यलाई पत्राचार गरेको छ।
साथै, BOBO कार्य नहुँदा लगानीकर्तालाई दोस्रो बजारमा हुने खरिद / विक्रीमा कुनै बाधा उत्पन्न नहुने पनि सिडीएसले प्रष्ट पारेको छ। सिडीएसले यथाशिघ्र प्रणालीमा परिमार्जन गरी छिटो छरितो रुपमा Bo-BO हस्तान्तरण कार्यलाई सुचारु गर्ने समेत सिडीएसले जनाएको छ।
