आज सोमबार शेयरबजार परिसूचक नेप्से घटेको छ। आज नेप्से सूचक १३.१७ अंकले घटेर २८२५.२३ को बिन्दुमा पुगेर रोकिएको छ।
आज कारोबारमा आएका ३४९ कम्पनीका १ करोड १६ लाख ५३ हजार ३ सय ७० कितात शेयर खरिद बिक्रीबाट ५ अर्ब ४३ करोड ४२ लाख ४० हजार २ सय ७६ रुपैयाँ ३० पैसाको कारोबार भएको छ। जस मध्ये होटेल फरेस्ट इनको सर्वाधिक ३६ करोड १ लाखको कारोबार भएको छ भने सोलु हाइड्रोपावरको २९ करोड ८१ लाखको कारोबार भएको छ।
आज कारोबारमा आएका मध्ये ४ कम्पनीको शेयर मूल्य १५ प्रतिशतले बढेको छ। शेयर मूल्य अधिकतम १५ प्रतिशतले घटबढ हुनसक्ने नियम आजदेखि नै लागु भएको हो। आज सूर्यकुण्डको हाइड्रो र होटेल फरेस्ट इनको शेयर मूल्य १५ प्रतिशतले बढेको छ भने पाल्पा सिमेन्ट र शिखर पावर डेभलपमेन्टको शेयर मूल्य १४.९९ प्रतिशतले बढेको छ। झापा इनर्जीको शेयर मूल्य ११.८८ प्रतिशतले बढेको छ।
आज कारोबारमा आएका मध्ये दोल्ती पावर कम्पनीको शेयर मूल्य सर्वाधिक ५.३५ प्रतिशतले घटेको छ।
आज कारोबारमा आएका मध्ये होटेल समूह बाहेकका सबै समुहगत सूचक घटेका छन् । होटेल समूह १.०१ प्रतिशतले बढेको छ। आज बैंकिंग समूह, लगानी समूह र उत्पादन तथा प्रशोधन समूह समान ०.८४ प्रतिशतले घटेको छ ।
