आज सोमबार शेयरबजार खुलेको पहिलो मिनेट मै पोजेटिभ सर्किट लागेको छ। ११ बजे बजार खुलेकोमा ११ बजेट १ मिनेट मै नेप्से ४ प्रतिशतले बढेपछि पहिलो सर्किट ब्रेक लागेको हो । अब २० मिनेटलाई कारोबार स्थगित हुने छ ।
यस अघि प्रि ओपन सेसन मै नेप्से सूचक ४४.६३ अंकले बढेको थियो। नियमित सेसनमा १०८.६० अंकले बजार बढेर पहिलो सर्किट लागेको हो ।
बजार सुरु भएको पहिलो घण्टा भित्रमा शेयर बजार ४ प्रतिशतले घटबढ भएमा २० मिनेट सर्किट ब्रेक लाग्ने व्यवस्था छ । सोहि अनुसार मिनेटमा पहिलो सर्किट लागेको हो । दोस्रो घण्टा भित्रमा ५ प्रतिशतले घटबढ भएमा ४० मिनेट सर्किट ब्रेक लाग्ने व्यवस्था छ। र तेस्रो घण्टा भित्र ६ प्रतिशतले घटबढ भएमा पुरै दिनको लागि कारोबार बन्द हुने व्यवस्था छ।
चुनावको नतिजापछि शेयर लगानीकर्ता उत्साहित देखिएका छन् । चुनावको नतिजा अनुसार राष्ट्रिय स्वतन्त्र पार्टीले एकल बहुमतको सरकार बनाउने देखिएको छ। अबको प्रधानमन्त्रीमा रास्वपाका बरिष्ठ नेता बालेन्द्र शाह हुने छन् भने अर्थमन्त्रीमा डा. स्वर्णिम वाग्ले रहने भनिएको छ।
कम्तिमा ५ वर्ष एउटै पार्टीको सरकार बन्ने भएपछि लगानीकर्ता उत्साहित देखिएका हुन्।
