नयाँ सरकार बन्ने दिन आज शेयर बजार परिसूचक नेप्से ५० अंक माथिले बढेको छ । नयाँ सरकार बन्ने भएपछि लगानीकर्ता उत्साहित हुँदा शेयर बजार परिसूचक नेप्से आज ५२.९७ अंकले बढेर २२५७.९७ बिन्दुमा पुगेको छ ।
आज ७ अर्ब ६२ करोड ४ लाख ९८ हजार बराबरको कारोबार भएको छ । आज काराबारमा आएका कम्पनीमध्ये २०१ कम्पनीको शेयर मूल्य बढेको छ भने ३६ कम्पनीको घटेको छ । ५ कम्पनीको शेयर मूल्यमा कुनै परिवर्तन भएन ।
आज रिडी पावर, माण्डु हाइड्रो, जानकी फाइनान्स, हिमाल दोलखा, अरुण भ्याली लगायतका कम्पनीका लगानीकर्ताले बढी कमाएका छन् ।
जानकी फाइनान्स, एनआरएनए इन्फास्टक्चर एण्ड डेभलपमेन्ट कम्पनी, नेपाल फाइनान्स, हिमालयन रि–इन्स्योरेन्स लगायतका कम्पनीको बढी कारोबार भएको छ ।
