नेपाल स्टक एक्सचेन्ज नेप्सेमा आज बिहीबार २ वटा कम्पनीको बोनस शेयर सूचीकृत भएको छ। आज लाइफ इन्स्योरेन्स कर्पोरेशन नेपाल र एनएलजी इन्स्योरेन्सको बोनस शेयर सूचीकृत भएको हो ।
लाइफ इन्स्योरेन्स कर्पोरेशन नेपालको १० प्रतिशतले हुन आउने ५० लाख कित्ता बोनस शेयर र एनएलजी इन्स्योरेन्सको २.५० प्रतिशतले हुन् आउने ६ लाख २५ हजार ६ सय ६४ कित्ता बोनस शेयर सूचीकृत भएको हो।
शेयर सूचीकृत भएसंगै आफ्नो डिम्याट खातामा आएपछि लगानीकर्ताले यी शेयर खरिद बिक्री गर्न सक्ने छन्।
