स्नो रिभर्स लिमिटेडले वैदेशिक रोजगारीमा रहेका नेपालीलाई निष्काशन गरेको आईपीओ बाँडफाँड भएको छ। बिक्री प्रबन्धक सानिमा क्यापिटलले आज शेयर बाँडफाँड गरेको हो।
कम्पनीले वैदेशिक रोजगारीमा रहेका नेपालीलाई चैत्र ९ गतेदेखि चैत्र १२ गतेसम्म ९३ हजार ७ सय ५० कित्ता शेयर निष्काशन गरेको थियो। क्यापिटलका यस निष्काशनमा ८२ हजार १ सय ६ जनाको आवेदन परेको थियो । जस मध्ये ८२ हजार ८५ जनाको मात्र आवेदन योग्य भएको छ।
माग भन्दा बढीको आवेदन परेकोले गोलाप्रथाबाट शेयर बाँडफाँड गरिएको छ। जसमा ९ हजार ३ सय ७५ जनाले मात्र १० कित्ताको दरले शेयर पाएका छन् । बाँकि आवेदक भने हात खालि भएका छन् ।
नेपाल धितोपत्र बोर्डले माघ १८ गते कम्पनीलाई आईपीओ निष्काशनको अनुमति दिएको हो । यस कम्पनीले ताप्लेजुङमा १३.५० मेगावाट क्षमताको सुपर काबेली खोला ए जलविद्युत आयोजना निर्माण सम्पन्न गरि २०८१ पुस ५ गतेदेखि विद्युत उत्पादन गरिरहेको छ।
यस कम्पनी अध्यक्ष मोहन बिक्रम कार्की हुन् । कम्पनीका अन्य ठूला शेयरधनीमा नेशनल इक्विटी फण्ड वान, प्रताप गुरुङ, तरा बहादुर कार्की, कृष्ण प्रसाद न्यौपाने लगायत रहेका छन्।
