एभरेष्ट कलर लिमिटेडको विशेष वार्षिक साधारणसभा सम्पन्न भएको छ । कम्पनीका सञ्चालक समिति अध्यक्ष महेश्वर खनालको अध्यक्षतामा बसेको विशेष साधारणसभाले जारी पूँजी वृद्धि गरी ३० करोड र सो पूँजीको २६.३३ प्रतिशत सेयर सर्वसाधारणमा जारी प्रस्ताव पारित गरेको छ ।
यस आधारमा अब १०० रुपैयाँ अंकित दरका ७ लाख ९० हजार कित्ता शेयर सर्वसाधारणमा जारी हुनेछ । यस अघिको वार्षिक साधारणसभाले प्रतिकित्ता ५० रुपैयाँ दरका आईपीओ जारी गर्ने प्रस्ताव पारित गरेको थियो । कम्पनीलाई केयर रेटींङ्गस नेपाल लिमिटेडले डबल बी माईनस रेटींङ्ग प्रदान गरेको छ ।
यसैगरी सभाले स्वतन्त्र संचालकमा कपिल देव महतोलाई नियुक्त गरेको छ ।
