नेपाल स्टक एक्सचेन्ज नेप्सेमा सूचीकृत कम्पनीहरुले धमाधम लाभांश घोषणा गरेका छन्। आज मङ्सिर २ गते दिउँसो ३ बजेसम्ममा कुल ४१ सूचीकृत कम्पनीले आर्थिक वर्ष २०८१/८२ को मुनाफाबाट लाभांश घोषणा गरेका हुन् ।
हालसम्म लाभांश घोषणा गरेका ४१ कम्पनी मध्ये ० वटा वाणिज्य बैंक रहेका छन् भने ६ वटा विकास बैंक रहेका छन् । पूर्वाधार विकास बैंक निफ्राले पनि लाभांश घोषणा गरेको छ। त्यस्तै दुई वटा फाइनान्स कम्पनी र चार वटा लघुवित्तले पनि लाभांश घोषणा गरेका छन्। हाइड्रोतर्फ ९ कम्पनीले लाभांश घोषणा गरेका छन् । सिमेन्टतर्फ शिवम र सर्वोत्तम सिमेन्टले पनि लाभांश घोषणा गरेका छन् ।
हालसम्म लाभांश घोषणा गरेका कम्पनी मध्ये युनिलिभर नेपाल लिमिटेडले सर्वाधिक १८४२ प्रतिशत नगद लाभांश घोषणा गरेको छ भने एनआरएन इन्फ्रास्ट्रकचर एण्ड डेभलपमेन्ट लिमिटेडले ४२.१०५ प्रतिशत लाभांश घोषणा गरेको छ । त्यस्तै सोल्टी होटेलले ३१.५७ प्रतिशत लाभांश घोषणा गर्दा हिमालयन डिस्टिलरीले २५ प्रतिशत लाभांश घोषणा गरेको छ । साहस उर्जाले २२.१०५ प्रतिशत लाभांश घोषणा गरेको छ भने माउन्टेन इनर्जी र नेपाल ल्युब आयलले समान २१.०५३ प्रतिशत लाभांश घोषणा गरेका छन् । एभरेष्ट बैंक र भगवती हाइड्रो र सर्वोतम सिमेन्टले समान २० प्रतिशत लाभांश घोषणा गरेका छन् भने स्ट्यान्डर्ड चार्टर्ड बैंकले १९ प्रतिशत लाभांश घोषणा गरेको छ।
लाभांश घोषणा गरेका मध्ये सबैभन्दा कम लाभांश सिंगटी हाइड्रोको रहेको छ। कम्पनीले ५ प्रतिशत लाभांश घोषणा गरेको छ। त्यस्तै सिटिजन्स बैंकले ५.२६ प्रतिशत , निफ्राले ६.३१ प्रतिशत तथा सानिमा बैंकले ७.३६ प्रतिशत लाभांश प्रस्ताव गरेका छन् ।
हेर्नुस् कुनको लाभांश कति ?
