सिक्लेस हाईड्रोपावर लिमिटेडले लाभांश घोषणा गरेको छ । कम्पनीको साउन २५ गते बसेको संचालक समितिको बैठकले लाभांश घोषणा गरेको हो। यस संगै सिक्लेस हाइड्रो लाभांश घोषणा गर्ने पहिलो सूचीकृत कम्पनी बनेको छ।
कम्पनीले आ.व. २०८०/८१ र २०८१/८२ सम्मको संचित मुनाफाबाट चुक्ता पूँजिको १५ प्रतिशतले हुन आउने १२ करोड ७५ लाख बराबरको बोनस शेयर र कर प्रयोजनको लागि चुक्ता पुँजीको ०.७८९ प्रतिशतले हुन आउने ६७ लाख १० हजार ५ सय २६ रुपैयाँ ३२ पैसा बराबरको नगद लाभांश वितरण गर्ने प्रस्ताव गरेको हो। कम्पनीको आगामी बार्षिक साधारणसभाले पारित गरेपछि उक्त लाभांश लगानीकर्तामा वितरण हुने छ ।
साथै बोनस शेयर जारी भए पश्चात कायम हुने चुक्ता पुँजीको १:१ ( एक बराबर एक) अनुपातमा शतप्रतिशत हकप्रद शेयर निष्काशन गरी अन्य जलविद्युत आयोजनाहरुमा लगानी गर्ने निर्णय कम्पनीले गरेको छ। त्यसको लागि विद्युत नियमन आयोगबाट पूर्व स्वीकृती भए पश्चात् अनुमोदनको लागी कम्पनीको आगामी वार्षिक साधारणसभामा पेश गर्ने निर्णय कम्पनीले गरेको छ।
