सामुहिक लगानी योजना (म्युचुअल फण्ड)हरुले धमाधम लाभांश घोषणा गरिरहेको छ। हाल (साउन २१ गते बिहान ११ बजे) सम्म १६ वटा म्युचुअल फण्डहरुले आर्थिक वर्ष २०८१/८२ को लागि लाभांश घोषणा गरेका छन् ।
लाभांश घोषणा गर्नेमा लक्ष्मी सनराइज क्यापिटलको सनराइज ब्लु चिप फण्ड, शुभ लक्ष्मी कोष, र लक्ष्मी भ्यालु फण्ड २ रहेका छन् । त्यस्तै कुमारी क्यापिटलको कुमारी सुनौलो लगानी योजना, सिद्धार्थ क्यापिटलको सिद्धार्थ सिस्टमेटिक इन्भेष्टमेन्ट स्किम, एनआईएमबि क्यापिटलको एनआईबिएल सहभागिता फण्ड रहेका छन् । यी बाहेक गरिमा क्यापिटलको गरिमा समृद्धि योजना, र एनएमबि क्यापिटलको एनएमबि सरल बचत फण्ड ई ले पनि घोषणा गरेका छन् । साथै एनआईसी एशिया क्यापिटलको एक खुलामुखी सहित ४ वटै म्युचुफल फण्डले लाभांश घोषणा गरेका छन् ।
त्यस्तै आज लक्ष्मी सनराइज क्यापिटलले संचालन गरेका थप तीन म्युचुअल फण्डले लाभांश घोषणा गरेका छन् । आज लक्ष्मी उन्नति कोष, सनराइज फर्स्ट म्युचुअल फण्ड र सनराइज फोकस्ड इक्विटी फण्डले लाभांश गरेका हुन् । आज नै मुक्तिनाथ क्यापिटलको म्युचुअल फण्डले पनि लाभांश घोषणा गरेको छ।
यी १६ वटा योजना मध्ये लक्ष्मी उन्नति कोषले सर्वाधिक २० प्रतिशत लाभांश घोषणा गरेको छ भने सनराइज ब्लु चिप फण्डले १९ प्रतिशत लाभांश घोषणा गरेको छ । त्यस्तै शुभ लक्ष्मी कोषले १६ प्रतिशत लाभांश घोषणा गरेको छ। लाभांश घोषणा गर्नेमा सबैभन्दा धेरै लाभांश भने लक्ष्मी सनराइज क्यापिटलको फण्डले घोषणा गरेको छ। १६ फण्ड मध्ये सबै भन्दा धेरै लाभांश घोषणा गर्ने ६ फण्ड लक्ष्मी सनराइज क्यापिटल कै फण्ड रहेका छन् ।
हालसम्म लाभांश घोषणा गरेका फण्ड मध्ये मुक्तिनाथ म्युचुअल फण्ड १ को लाभांश सबै भन्दा कम अर्थात् ३.८० प्रतिशत छ। हालसम्म लाभांश घोषणा गरेका १६ वटा फण्ड मध्ये ६ वटा खुलामुखी फण्ड छन् ।
हेर्नुस् हालसम्म कुन फण्डले कति घोषणा गर्यो लाभांश ?
