सामुहिक लगानी योजना (म्युचुअल फण्ड)हरुले धमाधम लाभांश घोषणा गरिरहेको छ। हालसम्म ६ वटा म्युचुअल फण्डहरुले आर्थिक वर्ष २०८१/८२ को लागि लाभांश घोषणा गरेका छन् ।
लाभांश घोषणा गर्नेमा लक्ष्मी सनराइज क्यापिटलको सनराइज ब्लु चिप फण्ड, शुभ लक्ष्मी कोष, र लक्ष्मी भ्यालु फण्ड २ रहेका छन् । त्यस्तै कुमारी क्यापिटलको कुमारी सुनौलो लगानी योजना, सिद्धार्थ क्यापिटलको सिद्धार्थ सिस्टमेटिक इन्भेष्टमेन्ट स्किम, एनआईएमबि क्यापिटलको एनआईबिएल सहभागिता फण्ड रहेका छन् । यी तिनवटै खुलामुखी सामुहिक लगानी कोष योजना हुन् ।
लक्ष्मी सनराइज क्यापिटलको शुभ लक्ष्मी कोष पनि खुलामुखी सामुहिक लगानी कोष योजना हो । अन्य दुई वटा भने बन्दमुखी योजना हुन् ।
यी ६ वटा योजना मध्ये सनराइज ब्लु चिप फण्डले सर्वाधिक १९ प्रतिशत लाभांश घोषणा गरेको छ भने शुभ लक्ष्मी कोषले १६ प्रतिशत लाभांश घोषणा गरेको छ। त्यस्तै लक्ष्मी भ्यालु फण्ड २ ले १५ प्रतिशत, र कुमारी सुनौलो लगानी योजनाले ८.८८ प्रतिशत लाभांश घोषणा गरेको छ। सिद्धार्थ सिस्टमेटिक इन्भेष्टमेन्ट स्किमले ८ प्रतिशत लाभांश घोषणा गर्दा एनआईबिएल सहभागिता फण्डले ७ प्रतिशत लाभांश घोषणा गरेको छ।
खुलामुखी सामुहिक लगानी कोष योजनाले लाभांश घोषणा गरेकै दिनलाई बुक क्लोज गरेका छन् । सोहि दिनसम्म कायम इकाईधनीले मात्र लाभांश पाउन सक्ने छन् । बन्दमुखी फण्डले भने बुक क्लोज मिति तय गर्न बाँकि छ ।
हेर्नुस् हालसम्म कुन फण्डले कति दियो लाभांश ?
