नेपाल इन्स्योरेन्स कम्पनी लिमिटेडले भदौ २७ गतेदेखि हकप्रदमा अवितरित शेयर लिलाम गर्ने भएको छ। कम्पनीले सर्वसाधारण समूहको १ लाख ९२ हजार ५ सय ७४ कित्ता शेयर र संस्थापक समूहको ४ हजार ४ सय ६८ दशमलव ७६ कित्ता शेयर गरि कुल १ लाख ९७ हजार ४२ दशमलव ७६ कित्ता शेयर लिलाम गर्न लागेको हो।
यस लिलामी प्रक्रियाको लागि एनआईएमबि एस क्यापिटल बिक्रि प्रबन्धक रहेको छ ।
कम्पनीले यी शेयरको न्युनतम मूल्य १०० रुपैयाँ कायम गरेकोले सो भन्दा बढी मूल्य कबुल गरि आवेदन दिनु पर्ने छ । सबै भन्दा बढी मूल्य कबुल गर्नेले शेयर पाउने छ । त्यसपछि पनि शेयर बाँकि रहेमा दोस्रो बढी मूल्य कबुल गर्नेले शेयर पाउने छ । यहि प्रक्रिया अनुसार शेयर बाँकि नरहेसम्म शेयर बाँडफाँड हुने छ।
लिलामीको शेयरमा आवेदन दिंदा साधारणशेयरको हकमा न्युनतम १०० कित्ताको लागि र संस्थापक शेयरको हकमा न्युनतम १००० कित्ताको लागि आवेदन दिनु पर्ने छ। अधिकतम भने पुरै शेयरको लागि आवेदन दिन सकिने छ । इच्छुक लगानीकर्ताले असोज ५ गतेसम्म आवेदन दिन सक्ने छन् ।
कम्पनीले साउन ६ गतेदेखि भदौ २ गतेसम्म १०:३.४७८३ को अनुपातमा हाल कायम चुक्ता पुंजीको ३४.७८३ प्रतिशतले हुन आउने ६५ करोड ७६ लाख ९६ हजार ७ सय ७६ रुपियाँ बराबरको ६५ लाख ७६ हजार ९ सय ६७ दशमलव ७६ कित्ता हकप्रद शेयर निष्काशन गरेको थियो। हकप्रद बिक्री नभएको शेयर लिलाम हुन लागेको हो।
क्या पिटल नै जान पर्छ कि साखा मा जादा नि हुन्छ स्पष्ट जानकारी काे लागि अनुरोध ।