नेपाल इन्फ्रास्ट्रकचर बैंक निफ्राले आज मङ्सिर २३ गते साधारणसभा गर्दै छ। बैंकको सभा काठमाडौँको बत्तीसपुतली स्थित अनुपम फुडल्याण्डमा बिहान ९ बजेदेखि सुरु हुने छ।
बैंकको सभामा लाभांश सहितका विविध प्रस्ताव पेश हुने छन्। बैंकले आर्थिक वर्ष २०८१/८२ मुनाफाबाट हाल कायम चुक्ता पुँजीको ६.३१५८ प्रतिशत नगद लाभांश (कर सहित) वितरण गर्ने प्रस्ताव गरेको छ। हाल बैंकको चुक्ता पुँजी २१ अर्ब ६० करोड रहेको छ। बैंकको सभाले पारित गरेपछि उक्त लाभांश लगानीकर्तामा वितरण हुने छ ।
बैंकले साधारणसभा प्रयोजनको लागि मङ्सिर १२ गते बुक क्लोज गर्ने निर्णय गरेको छ। मङ्सिर ११ गतेसम्म कायम शेयरधनीले मात्र बैंकको सभामा भाग लिन र प्रस्तावित लाभांश पाउन सक्ने छन् ।
आजको साधारणसभामा सर्वसाधारण शेयरधनीको तर्फबाट २ जना संचालकको निर्वाचन पनि हुने छ । निर्वाचनमा ४ जनाको उम्मेदवारी परेको छ। उम्मेदवारी दिनेमा मनिष थापा, लिमा अधिकारी आचार्य, प्रविण सुवेदी र पवन रिजाल क्षेत्री रहेका छन् ।
