नेपाल आयल निगमले साधारणसभा आह्वान गरेको छ।कम्पनीले चैत्र २९ गते साधारणसभा आह्वान गरेको हो ।
निगमको साधारणसभामा लाभांश सहितका विविध प्रस्ताव पेश हुने छन् । निगमले १० प्रतिशत नगद लाभांश वितरण अग्रने प्रस्ताव गरेको छ।
यस्ता छन् निगमको सभामा पेश हुने प्रस्तावहरु:
१) अध्यक्षको मन्तव्य र ४३औं वार्षिक साधारण सभाका लागि सञ्चालक समितिको प्रतिवेदन पारित गर्ने ।
२) लेखा परीक्षकको प्रतिवेदन सहितको आर्थिक वर्ष २०८० / ८१ को वासलात, नाफा नोक्सान हिसाब तथा सोही अवधिको नगद प्रवाह विवरण माथि छलफल र पारित गर्ने ।
३) आर्थिक वर्ष २०८० / ८१ को लेखा परीक्षकको नियुक्ति, पारिश्रमिक एवं खर्च अनुमोदन गर्ने ।
४) आर्थिक वर्ष २०८१ / ८२ को लेखा परीक्षण गर्न श्री महालेखा परीक्षकको कार्यालयबाट प्राप्त परामर्श बमोजिम लेखा परीक्षक नियुक्ति गर्ने र निजको पारिश्रमिक तोक्ने ।
५) सञ्चालक समितिले प्रस्ताव गरे बमोजिम शेयरधनीहरूलाई चुक्ता पुँजीको १० (दस) प्रतिशतले हुन आउने रकम बराबरको नगद लाभांश (कर सहित) वितरण गर्न स्वीकृत गर्ने ।
६) ४३औँ वार्षिक साधारण सभाको निर्णय पुस्तिकामा हस्ताक्षर गर्न शेयरधनीहरू तथा सञ्चालकहरूको तर्फबाट एक-एक जना प्रतिनिधि तोक्ने ।
७) विविध ।
विशेष प्रस्ताव
नेपाल आयल निगम लिमिटेडको प्रवन्ध पत्र तथा नियमावलीको संशोधन कम्पनी ऐन २०६३ को दफा २१ बमोजिम स्वीकृत गर्ने सम्बन्धमा ।
