जेनेसिस भेन्चर्स लिमिटेडले २५ लाख कित्ता आईपीओ निष्काशन गर्ने भएको छ । कम्पनीले आईपीओ निष्काशनको लागि लक्ष्मी सनराईज क्यापिटललाई बिक्री प्रबन्धक चयन गरेको छ ।
सम्झौतामा लक्ष्मी सनराईज क्यापिटलका प्रमुख कार्यकारी अधिकृत विजयलाल श्रेष्ठ र जेनेसिस भेन्चर्स लिमिटेडका अध्यक्ष अनुज राठीले हस्ताक्षर गरेका छन्। यस सम्झौता अन्तर्गत, लक्ष्मी सनराईज क्यापिटल लिमिटेडले जेनेसिस भेन्चर्स लिमिटेडको आगामी प्रारम्भिक सार्वजनिक निष्काशन (आईपीओ) को लागि निष्काशन तथा बिक्री प्रबन्धकको रूपमा काम गर्नेछ।
जेनेसिस भेन्चर्स इन्भेष्टमेन्ट कम्पनी हो, जुन सूचीकरण नभएका इक्विटी अवसरहरूमा लगानी केन्द्रित रहेको छ।
