एनआईसी एसिया बैङ्कले नेपाल इन्फ्रास्ट्रक्चर बैंक (निफ्रा)को १० लाख कित्ता संस्थापक सेयर बिक्री गर्ने भएको छ । बैङ्कले निफ्राको संस्थापक सेयर लिलाम बढाबढमार्फत बिक्री गर्न लागेको हो ।
उक्त संस्थापक सेयर खरिद गर्न इच्छुक सर्वसाधारण, विद्यमान संस्थापक तथा संघसंस्थाहरुले आवेदन दिन सक्ने बिक्री प्रवन्धक एनआईसी एसिया क्यापिटलले जनाएको छ । सोमबारदेखि क्यापिटलको कार्यालय थापाथली तथा एनआईसी एसिया बैंकका शाखा कार्यालय बिराटनगर, वीरगन्ज, पोखरा, बुटवल, धनगढी र सुर्खेतबाट असार १७ गतेसम्म आवेदन दिन सकिनेछ ।
प्रतिकित्ता न्यूनतम १०१ रुपैयाँ हुनेगरी न्यूनतम १० हजार कित्ता तथा अधिकतम १० लाख कित्ताका लागि आवेदन दिन सकिनेछ ।
हाल निफ्रामा विभिन्न बैंक तथा वित्तीय संस्थाको २०.८९ प्रतिशत, सरकारको १० प्रतिशत, सर्वसाधारणको ४० प्रतिशत, जीवन तथा निर्जीवन बीमा कम्पनीको १८.९७ प्रतिशत, निजी तथा सार्वजनिक कम्पनीको ५.१५ प्रतिशत सेयर छ ।
