चालु आर्थिक वर्ष २०८०/८१ को ११ महिनामा शेयर लगानीकर्ताले ४ अर्ब ८५ करोड पुँजीगत लाभकर तिरेका छन् । २०८० साउनदेखि २०८१ जेठसम्मको अवधिमा लगानीकर्ताले कुल ४ अर्ब ८५ करोड ७२ लाख ९३ हजार ४ सय ४२ रुपैयाँ बराबरको पुँजीगत लाभकर तिरेका हुन् ।
जेठ महिनामा मात्र लगानीकर्ताले ७० करोड ४२ लाख ५२ हजार पुँजीगत लाभकर तिरेका छन् । जस मध्ये व्यक्तिगत तर्फको दिर्घकालीन लाभकर वापत २३ करोड ३७ लाख, व्यक्तिगततर्फको अल्पकालीन लाभकर वापत ३८ करोड ५५ लाख, र संस्थागत लाभकर वापत ८ करोड ४९ लाख रुपैयाँ बराबरको पुँजीगत लाभकर संकलन भएको छ ।
वैशाखको तुलनामा पुँजीगत लाभकर जेठमा झन्डै दोब्बरले बढेको छ । वैशाखमा ३६ करोड २७ लाख लाभकर संकलन भएकोमा जेठमा ७० करोड ४२ लाख लाभकर संकलन भएको छ ।
चालु आर्थिक वर्षको ११ महिना मध्ये सबैभन्दा धेरै लाभकर माघ महिनामा संकलन भएको छ । माघमा लगानीकर्ताले ९७ करोड २० लाख रुपैयाँ पुँजीगत लाभकर तिरेका हुन् । त्यस्तै पुसमा ७४ करोड ३९ लाख रुपैयाँ पुँजीगत लाभकर संकलन भएको छ । हालसम्म सबैभन्दा कम कार्तिक महिनामा लाभकर संकलन भएको छ । कार्तिकमा ८ करोड ४१ लाख रुपैयाँ लाभकर संकलन भएको छ । कार्तिकमा दशैँ र तिहारको सार्वजनिक विदाका कारण धेरै दिन शेयर कारोबार नहुँदा लाभकर संकलनमा पनि कमी आएको हो ।
हेर्नुस् कुन महिनामा कति लाभकर संकलन ?
