चालु आर्थिक वर्षको पहिलो चार महिनाको अवधिमा जीवन बीमा कम्पनीहरुले आधा खर्ब बढी बीमाशुल्क (बीमा प्रिमियम) संकलन गरेका छन् । २०८१ साउन देखि २०८१ कार्तिकसम्मको अवाधिमा संचालनमा रहेका १४ बीमा कम्पनीले कुल ५३ अर्ब ३९ करोड ३२ लाख ४६ हजार रुपैयाँ बीमा प्रिमियम संकलन गरेका हुन् ।
जस मध्ये नेपाल लाइफ इन्स्योरेन्सले सर्वाधिक १५ अर्ब ४० करोड रुपैयाँ बराबरको प्रिमियम संकलन गरेको छ। त्यस्तै नेशनल लाइफ इन्स्योरेन्सले ६ अर्ब ४३ करोड, लाइफ इन्स्योरेन्स कर्पोरेशनले ६ अर्ब ५ करोड तथा हिमालयन लाइफ इन्स्योरेन्सले ५ अर्ब ५८ करोड बराबरको बीमा प्रिमियम संकलन गरेका छन् ।
यस अवधिमा सन् नेपाल लाइफ इन्स्योरेन्सले सबैभन्दा कम अर्थात् १ अर्ब २८ करोड बीमा प्रिमियम संकलन गरेको छ। त्यस्तै आईएमई लाइफ इन्स्योरेन्सले १ अर्ब ५३ करोड तथा रिलायबल नेपाल लाइफ इन्स्योरेन्सले १ अर्ब ५५ करोड बीमा प्रिमियम संकलन गरेको छ।
जीवन बीमा कम्पनीहरुले कार्तिक महिनामा मात्र १२ अर्ब ३१ करोड बीमाशुल्क संकलन गरेका छन् ।
हेर्नुस् चालु आर्थिक वर्षको पहिलो चार महिनाको अवधिमा जीवन बीमा कम्पनीहरुको प्रिमियम संकलन
