नेपाली बीमा प्राधिकरणले बीमा सर्भेयरहरुलाई आईडी कार्डका लागि फोटो उपलब्ध गराउन आग्रह गरेको छ । प्राधिकरणले एक सूचना जारी गर्दै व्यक्तिगत सर्भेयरहरुले पहिला पठाएको फोटोको गुणस्तर नभएकाले पुन फोटो उपलब्ध गराउन भनेको हो ।
पहिला उपलब्ध गराएको फोटो गुणस्तर नभएको उल्लेख गर्दै प्रधिकरणले तोकिएको मापदण्ड अनुसारको फोटो उपलब्ध गराउन भनेको हो। प्राधिकरणका अनुसार अब सर्भेयरहरुले दुवै कान देखिनेगरी हालसालै खिचिएको पासपोर्ट साईजको फोटो उपलब्ध गराउनु पर्ने छ। उच्चतम रेजुलेशन भएको फोटो जेपीजी फर्म्याट हुनु पर्ने र फोटो ५ एमबीको हुनुपर्ने प्राधिकरणले जनाएको छ ।
यसका साथै सर्भेयरले रगत समूह खुल्ने कुनै कागजात पनि उपलब्ध गराउनु पर्ने छ । उक्त फोटो तथा कागजातहरु प्राधिकरणको इमेल आइडीमा पठाउन सकिने सूचनामा जनाइएको छ ।
