नेपालको सार्वजनिक ऋण २४ खर्ब नाघेको छ । सार्वजनिक ऋण व्यवस्थापन कार्यालयका अनुसार २०८१ जेठ मसान्तसम्मको तथ्यांक अनुसार नेपालले तिर्न बाँकि सार्वजनिक ऋण २४ खर्ब ३४ करोड ३६ लाख रुपैयाँ पुगेको छ ।
जस मध्ये ५०.३२ प्रतिशत अर्थात् १२ खर्ब ७ अर्ब ८६ करोड ३२ लाख रुपैयाँ बाह्य ऋण अर्थात् विदेशबाट लिइएको ऋण हो । बाँकि रहेको ४९.६८ प्रतिशत अर्थात् ११ खर्ब ९२ अर्ब ४८ करोड ४ लाख रुपैयाँ आन्तरिक ऋण अर्थात् नेपाल भित्रबाट नै लिइएको ऋण हो ।
वैदेशिक ऋणतर्फ बहुपक्षिय ऋणदाताबाट लिइएको ऋण १० खर्ब ७१ अर्ब रहेको छ भने द्विपक्षीय ऋणदाताबाट लिइएको ऋण १ खर्ब ३६ अर्ब रहेको छ ।
हेर्नुस् नेपालले कुन विदेशी ऋणदातालाई कति ऋण तिर्न बाँकि छ ?
द्विपक्षीय तर्फ
१. बेल्जियम : ४८ करोड ७४ लाख
२. एक्जिम बैंक कोरिया : ५ अर्ब ८ करोड ८२ लाख
३. एक्जिम बैंक लाइन अफ क्रेडिट इन्डिया : ४० अर्ब १४ करोड ८८ लाख
४. एक्पोर्ट इम्पोर्ट बैंक अफ चाइना : ३३ अर्ब ९४ करोड ६५ लाख
५. जापान इन्टरनेशनल कर्पोरेशन एजेन्सी (जाइका): ५१ अर्ब ११ करोड ९९ लाख
६. कुवेत : १ अर्ब ८४ करोड ७३ लाख
७. नाटिक्सिस बैंक फ्रान्स : १ अर्ब ३ करोड १० लाख
८. साउदी : ३ अर्ब ७ करोड ५८ लाख
बहुपक्षीय ऋणदाता तर्फ
१. एशियन डेभलपमेन्ट बैंक : ४ खर्ब २ अर्ब ३७ करोड ३९ लाख
२. एशियन इन्फ्रास्ट्रकचर इन्भेष्टमेन्ट बैंक : १ अर्ब ६३ करोड ६४ लाख
३. नोर्डिक डेभलपमेन्ट बैंक : १ अर्ब ७५ करोड १९ लाख
४. ओपेक फण्ड फर इन्टरनेशनल डेभलपमेन्ट : ७ अर्ब ३४ करोड २३ लाख
५. इन्टरनेशनल डेभलपमेन्ट एसोसिएसन: ५ खर्ब ७९ अर्ब ५३ करोड ८६ लाख
६. इन्टरनेशनल फण्ड फर एग्रिकल्चर डेभलपमेन्ट : १० अर्ब ४१ करोड ३ लाख
७. अन्तराष्ट्रिय मुद्रा कोष : ५७ अर्ब २८ करोड ४६ लाख
८. युरोपियन इकोनोमिक काउन्सिल : १५ करोड ७६ लाख
९. युरोपियन इन्भेष्टमेन्ट बैंक : १० अर्ब ६१ करोड ९८ लाख
