पदयात्रा व्यवसायीको छाता संगठन ट्रेकिङ एजेन्सिज् एसोसियसन अफ नेपाल (टान)को आसन्न निर्वाचनका लागि राजेन्द्र प्रसाद सापकोटा समूहले उम्मेदवारी घोषणा गरेको छ । अध्यक्षको उम्मेदवारमा नेपाल राष्ट्रिय पर्यटन व्यवसायी संगठनका तर्फबाट सापकोटा यसअघि नै चयन भइसकेका हुन् भने आज उनी नेतृत्वको प्यानल घोषणा भएको हो ।
जस अनुसार वरिष्ठ उपाध्यक्षमा कर्मा शेर्पा, प्रथम उपाध्यक्षमा विष्णु प्रसाद लम्साल र द्वितीय उपाध्यक्षमा सनम शेर्पा सापकोटाको प्यानलबाट उम्मेदवार बन्ने भएका छन् ।
यस्तै महासचिवमा राजेन्द्र प्रसाद सुवेदी, सचिवमा रिन्जी जाङ्बु शेर्पा, कोषाध्यक्षमा गौतमराज वाग्ले र सह–कोषाध्यक्षमा लाक्पा तेम्बा शेर्पा उम्मेदवार बन्ने भएका छन् ।
कार्यसमिति सदस्य पदमा उम्मेदवारी दिनका लागि अन्य ९ जनाको नाम पनि तय भएको सापकोटा समूहको प्रचार समितिले जानकारी दिएको छ ।
