काठमाडौँको सुकेधारामा फ्रान्सेली ब्राण्डको पाँचतारे ‘होटल मक्र्योर’ सञ्चालनमा आएको छ । एबी होल्डिङले निर्माण गरेको यो होटलको प्रधानमन्त्री केपी शर्मा ओलीले बुधबार उद्घाटन गर्दैछन् ।
होटलका सञ्चालक देशबन्धु बस्नेतका अनुसार ११ तले भवनको सो होटलमा १०४ कोठा छन् । होटलमा करिब ३ खर्ब रुपैयाँ लगानी भएको छ ।
यो होटलको व्यवस्थापन सम्हाल्न एसिया, युरोप, अफ्रिका एवं मध्यपूर्वक ११० वटा देशमा ५ हजार ४ सय भन्दा बढी होटल सञ्चालन गरिरहेको एकोर ग्रुप पहिलो पटक नेपाल भित्रिएको हो । नेपालमा प्रवेश भएसँगै एकोर ग्रुप विश्वका १११ देशमा पुगेको छ । बस्नेतले द मेट्रोपोलिटन होटल प्रालिको व्यवस्थापन सम्हाल्न एकोर ग्रुपको मक्र्योर ब्राण्डलाई नेपाल भित्र्याएका हुन् ।
होटलको माथिल्लो तलामा स्वीमिङ पुल छ । नेपाली, इण्डियन, चाइनिज रेस्टुरेन्ट, तीन सय क्षमताको ब्याक्वेट हल, आधुनिक जिम, स्टीम र साउना, वेलनेस सेन्टरसहितका सेवा सुविधा उपलब्ध रहेको होटलमा हाल २२० जनाले रोजगारी पाएका छन् ।
होटलले पर्यटन विभागबाट पाँच तारे स्तरको प्रमाणपत्र प्राप्त गरिसकेको छ ।
