सरकारले लाइसेन्स प्राप्त कम्पनी (ब्रोकर)मार्फत मात्रै घरजग्गा कारोबार गर्नुपर्ने गरी यसअघि गरेको निर्णय स्थगित गरेको छ । भूमि व्यवस्थापन तथा अभिलेख विभागले महानगरपालिका र उपमहानगरपालिकाभित्र ३ करोड रुपैयाँभन्दा माथिको घरजग्गा कारोबार अनिवार्य रूपमा ब्रोकरमार्फत मात्रै गर्नुपर्ने प्रावधान स्थगित गरेको हो ।
विभागले यसअघि फागुन ८ गते गरेको परिपत्र तत्कालका लागि स्थगित गरेको हो । बुधबार विभागले जारी गरेको सूचनामा फागुन ८ गतेको परिपत्र कार्यान्वयन नगर्न र साविककै पवधान अनुसार काम गर्न मालपोत कार्यालयहरूलाई निर्देशन दिएको हो ।
विभागले मालपोत नियमावली, २०३६ को नियम २३ (ठ) अनुसार इजाजत प्राप्त व्यक्ति वा संस्थाले अनिवार्य भू–सेवा केन्द्र सञ्चालन गरी भू–सूचना प्रणालीमार्फत कारोबार गर्नुपर्ने कानुनी व्यवस्था रहेपनि अहिले इजाजत पाएका ३६ वटा कम्पनीहरूले हालसम्म भू–सेवा केन्द्र सञ्चालनको अनुमति नपाएकाले तत्कालका लागि लाइसेन्स लिएका कम्पनीमार्फत कारोबार गर्नुपर्ने प्रावधान हाललाई स्थगित गरिएको जनाएको छ ।
सूचनाः
