इजरायल र इरान बीच भइरहेको युद्धले पश्चिम एसियाली देशहरुमा समेत सुरक्षा जोखिम बढेपछि नेपाल, ओमान र यूएईबीच हुने त्रिकोणात्मक एकदिवसीय सिरिज स्थगित भएको छ ।
इरानले खाडी मुलुकमा समेत आक्रमण सुरु गरेपछि ति देशका अधिकांश विमानस्थलमा अहिले हवाई उडान हुन सकेको छैन । जसका कारण आईसीसी विश्वकप लिग–२ अन्तर्गत कीर्तिपुरस्थित त्रिवि क्रिकेट मैदानमा फागुन २६ देखि चैत ६ गते सम्मका लागि तय भएको उक्त सिरिज हालका लागि स्थगित भएको हो ।
यूएई र ओमानका खेलाडीलाई नेपाल आउन समस्या भएपछि सिरिज स्थगित गरिएको हो ।
सिरिजका लागि यूएई र ओमानको टोली शुक्रबारसम्म नेपाल आइपुग्ने तालिका थियो ।
