चालु आर्थिक वर्षको ६ महिनामा नेपालको ब्यापार घाटा झण्डै ८ खर्ब रुपैयाँ पुगेको छ । साउनदेखि पौष सम्मको वैदेशिक ब्यापारको तथ्यांक अनुसार नेपालले ६ महिनामा ७ खर्ब ९७ अर्ब ब्यापार घाटा ब्यहोरेको छ ।
यस अवधिमा ९ खर्ब ३९ अर्ब रुपैयाँ बराबरको वस्तु तथा सेवा आयात हुँदा निर्यात भने जम्मा १ खर्ब ४२ अर्बमा सिमित भएको छ ।
गत आर्थिक वर्षको ६ महिनामा नेपालको ब्यापार घाटा ७ खर्ब २३ अर्ब थियो । यस वर्षको सोही अवधिमा ब्यापार घाटा १०.१५ प्रतिशतले बढेको भन्सार विभागको तथ्यांक छ ।
गत आर्थिक वर्षको यस अवधिमा ९८ अर्बको निर्यात भएकोमा यसपाली निर्यात ४३.७६ प्रतिशतले बढेर १ खर्ब ४२ अर्ब पुगेको छ । निर्यात बढेपनि ब्यापार घाटा भने ७ खर्ब २३ अर्बबाट बढेर ९ खर्ब ९७ अर्ब पुगेको हो ।
