नेपाल विद्युत प्राधिकरणले सौर्य विद्युत उत्पादनका लागि खुलाएको टेण्डरमा आवेदन हालेका मध्ये ६४ कम्पनीले सौर्य उर्जा उत्पादनको लागि ठेक्का पाएका छन् । प्राधिकरणको विद्युत व्यापार विभागले आज ६४ कम्पनीलाई लेटर अफ इन्टेन्ट-एलओआई (आशयपत्र) प्रदान गरेको हो।
आवेदकहरुको प्राविधिक मुल्यांकन गर्दा १२७ कम्पनी छनौटमा परेका थिए । आर्थिक मुल्यांकन गर्दा ६४ कम्पनी छनौट भएका हुन् । प्राविधिक रुपमा योग्य ठहरिएका कम्पनीमा नेपाल स्टक एक्सचेन्ज नेप्सेमा सूचीकृत १० कम्पनी रहेकोमा ठेक्का भने एउटा कम्पनीले मात्र पाएको छ । एशियन हाइड्रोले धनुषामा ३० मेगावाटको आयोजना बनाउन ठेक्का पाएको हो । कम्पनीले प्रति किलोवाट घण्टा ५.३९ रुपैयाँको मूल्य प्रस्ताव गरेको थियो ।
प्रति किलोवाट घण्टाको मूल्य ४.९९ रुपैयाँदेखि ५.५५ रुपैयाँसम्म प्रस्ताव गर्नेले ठेक्का पाएका हुन् । यद्यपि केहि कम्पनीले माग गरिएको भन्दा थोरै क्षमताको लागि आशयपत्र पाएका हुन् ।
प्राधिकरणले ८ सय मेगावाट सोलार विद्युत उत्पादनको लागि प्रस्ताव आह्वान गरेको थियो । तर २ हजार मेगावाट भन्दा बढीको लागि आवेदन परेपछि प्राधिकरणले ९ सय ६० मेगावटको ठेक्का लगाएको हो। ठेक्का पाउने कम्पनीहरुमा भारतीय लगानीका कम्पनीहरु पनि छन् । धेरै कम्पनीहरुले के भन्दा बढी आयोजनाको लागि पनि ठेक्का पाएका छन् ।
अब १० मेगावाटभन्दा कम क्षमताका आयोजनाहरुले पीपीए भएको १८ महिनाभित्र उत्पादन गरिसक्नु पर्छ भने १० मेगावाटभन्दा बढी क्षमताका आयोजनाहरुले पीपीए भएको २४ महिनाभित्र उत्पादन गर्नुपर्ने छ।
हेर्नुस् कसले, कुन ठाउँमा, कति क्षमताको र कुन मूल्यको टेण्डर हालेर पाए ठेक्का ?
