कस्मिक इलेक्ट्रिकल लिमिटेडले आईपीओ निष्काशन गर्ने भएको छ। कम्पनीले आईपीओ निष्काशन गर्ने विशेष प्रस्ताव सहित भदौ ५ गते विशेष साधारणसभा आह्वान गरेको छ।
विशेष साधारणसभामा अधिकृत तथा जारी पुँजी वृद्धि गर्ने, प्रबन्धपत्र तथा नियमावलीमा संशोधन गर्ने, आईपीओ निष्काशन गर्ने, आईपीओ निष्काशनबाट प्राप्त हुने रकमको उपयोगबारे निर्णय गर्ने, र आईपीओ निष्काशनको लागि गर्नु पर्ने कार्यको लागि अख्तियारी दिने प्रस्ताव पेश हुने छन् ।
कस्मिक इलेक्ट्रिकल लिमिटेड उर्जा क्षेत्रको निर्माणमा संलग्न कन्स्ट्रक्सन कम्पनी हो । कम्पनीले विद्युतको प्रसारण लाइन, वितरण लाइन, सबस्टेसन निर्माण मर्मत सम्भार गर्दै आएको छ । साथै ग्रामिण विद्युतीकरणमा पनि काम गर्दै आएको छ ।
कम्पनीका अध्यक्ष तथा प्रबन्ध निर्देशक महेश महतो हुन् । कम्पनीमा उनको करिब ८० प्रतिशत लगानी छ ।
