स्वतन्त्र उर्जा उत्पादकहरुको संस्था इप्पानले जेठ २९ गते शुक्रबार नयाँ नेतृत्व चयन गर्दै छ। २४ पदको लागि ३५ जना उम्मेदवार चुनावी मैदानमा होमिएका छन् ।
निर्वाचन समितिले आज उम्मेदवारहरुको अन्तिम नामावली सार्वजनिक गरेको छ । जसमा एक जना उपमहासचिव र ५ जना सचिव निर्विरोध निर्वाचित भएका छन् । उपमहासचिवमा कविता पोखरेलको मात्र उम्मेदवारी परेकोले उनी निर्विरोध निर्वाचित भएकी हुन् ।
त्यस्तै सचिवमा ७ जनाको उम्मेदवारी परेकोमा दाबी विरोध उपर छानबिन गर्दै निर्वाचन समितिले २ जनाको उम्मेदवारी खारेज गरेर ५ जनाको मात्र उम्मेदवारी कायम राखेको छ। ६ जना नै निर्वाचित हुने व्यवस्था रहेकोले ५ जना सचिव पनि निर्विरोध भएका हुन् ।
सचिवमा निर्विरोध हुनेहरुमा अभिज्ञा मल्ल, इशा श्रेष्ठ, कुवेर मणि नेपाल, विजय मोहन भट्टराई, र सुमन कुमार जोशी रहेका छन् ।
अब बाँकी पदको लागि भने भोलि मतदान हुने छ।
