नेपाल विद्युत प्राधिकरणले ६ वटै उद्योगान काटिएको विद्युत लाइन जडान गरिदिएको छ । विद्युत प्राधिकरणको सञ्चालक समितिले मंगलबार बिजुलीको लाइन जोड्ने निर्णय गरेको थियो । सोहीअनुसार ६ वटै उद्योगको लाइन जोडिएको प्राधिकरणका प्रवक्ता मनोज सिलवालले बताए ।
सञ्चालक समितिको निर्णयानुसार प्राधिकरणले ६ वटै उद्योगमा लाइन जोड्न सम्बन्धित क्षेत्रका वितरण केन्द्रहरुलाई निर्देशन दिएको थियो । त्यस लगत्तै सम्बन्धित वितरण केन्द्रहरुले मंगलबार राती नै लाइन जोडेका हुन् ।
डेडिकेटेड तथा ट्रंक लाइनको बक्यौता नतिरेको भन्दै प्राधिकरणले रिलायन्स स्पेनिङ मिल्स, घोराही सिमेन्ट, अर्घाखाँची, जगदम्बा सिन्थेटिक, हुलास स्टील र जगदम्बा स्टीलमा लाइन काटेको थियो ।
