भारत सरकारले नेपालबाट थप ८० मेगावाट विद्युत खरिद गर्ने भएको छ । भारतले दुइ जलविद्युत आयोजनाबाट उत्पादन भएको ८० मेगावाट विद्युत खरिदका लागि सहमति प्रदान गरेको हो ।
विद्युत प्राधिकरणका अनुसार भारतले ४८.५ मेगावाटको मेवा खोला र ३१.०४ मेगावाट क्षमताको करुवा सेती हाइड्रो पावरबाट उत्पादित बिजुली किन्न सहमति प्रदान गरेको हो ।
यसअघि अनुमति प्राप्त १०१०.९० मेगावाट र थपिएको ८० मेवा गरि कुल भारत निर्यात क्षमता १०९०.९० मेगावाट पुगेको छ । बगलादेश निर्यातको ४० मेगावाटसहित नेपालको कुल निर्यात स्वीकृति ११३०.९ मेगावाट पुगेको विद्युत प्राधिकरणले जनाएका छ ।
पछिल्लो पटक श्रावण २६ गते भारत सरकारले २०० मेगावाट खरिदका लागि अनुमति प्रदान गरेकोमा भाद्र ५ गते थप ८० मेगावाटका लागि अनुमति प्रदान गरेको हो । वाइल्याटरल सम्झौता अन्तर्गत मध्यम अवधिका लागि प्राप्त अनुमति २१ अगस्ट २०२५ देखि ३१ अक्टोबर २०२६ सम्मको लागि कायम रहनेछ ।
