प्रधानमन्त्री वालेन्द्र शाह (बालेन)ले बुधबार उद्योगी व्यवसायीहरुसँग छलफल गर्दैछन् । छलफलका लागि अहिले उद्योगी व्यवसायीहरु सिंहदरबारस्थित प्रधानमन्त्री तथा मन्त्रिपरिषद्को कार्यालयमा पुग्दैछन् ।
नेपाल उद्योग वाणिज्य महासंघ, नेपाल उद्योग परिसंघ र नेपाल चेम्बर्स अफ कमर्सबाट उद्योगी व्यवसायीहरु प्रधानमन्त्री कार्यालय जाँदै छन् ।
स्रोतका अनुसार नेपाल उद्योग वाणिज्य महासंघबाट अध्यक्ष अन्जन श्रेष्ठ र उद्योग समिति सभापति उज्वल श्रेष्ठ सहभागी हुँदैछन् । त्यस्तै, नेपाल उद्योग परिसंघबाट निवर्तमान अध्यक्ष राजेश अग्रवाल र महानिर्देशक घनश्याम ओझा सहभागी हुँदैछन् ।
यसैगरी, नेपाल चेम्बर्स अफ कमर्सबाट अध्यक्ष कमलेश कुमार अग्रवाल र वरिष्ठ उपाध्यक्ष दीपक मल्होत्रा सहभागी हुने भएका छन् ।
प्रधानमन्त्री शाहले पहिलोपटक उद्योगी व्यवसायीसँग छलफल गर्न लागेका हुन् ।
