पिपुल्स पावर लिमिटेडले निष्काशन गरेको हकप्रद बाँडफांड भएको छ । भदौ ५ गते शेयर बाँडफांड गरिएको हो।
कम्पनीले असार २२ गतेदेखि साउन २६ गतेसम्म १:०.५० को अनुपातमा हाल कायम चुक्ता पुंजीको ५० प्रतिशतले हुन आउने ३१ करोड ६३ लाख रुपैयाँको ३१ लाख ६३ हजार कित्ता हकप्रद शेयर निष्काशन गरेको थियो। बिक्री प्रबन्धक प्रभु क्यापिटलका अनुसार यस हकप्रदमा रितपुर्वक आवेदन दिने लगानीकर्तालाई २७ लाख ७१ हजार २ सय २१ कित्ता शेयर बाँडफांड गरिएको छ।
अब बिक्री नभएको ३ लाख ९१ हजार ७ सय ७९ कित्ता शेयर लिलाममा आउने छ। कम्पनीले हक भन्दा बढीको माग गरि आवेदन दिनेको हकमा भदौ ८ गतेदेखि पैसा फिर्ता गर्ने जनाएको छ।
कम्पनीले हकप्रद निष्काशनको लागि असार २ गते बुक क्लोज गर्ने निर्णय गरेकोले असार १ गतेसम्म कायम शेयरधनीले मात्र कम्पनीको हकप्रदमा आवेदन दिन सक्ने व्यवस्था थियो। नेपाल धितोपत्र बोर्डले जेठ २ गते कम्पनीलाई हकप्रद निष्काशनको अनुमति दिएको थियो।
