आजदेखि चितवनका केही क्षेत्रमा विद्युत प्राधिकरणले लोडसेडिङ सुरु गरेको छ । प्राधिकरणले सार्वजनिक गरेको तालिका अनुसार अब चितवनका केही क्षेत्रमा दिनमा दुईपटक गरी ६ घण्टा लोडसेडिङ हुनेछ ।
विद्युत् प्राधिकरणको चनौली वितरण केन्द्रले दैनिक ६ घण्टा लोडसेडिङको तालिका सार्वजनिक गरेको छ । रोपाईंको समयमा आकाशे पानी नपर्दा सिँचाइ ग्राहकको लोड बढेकोले लोडसेडिङ गर्नु परेको प्राधिकरणले जनाएको छ ।
यस्तो छ लोडसेडिङ तालिकाः
१) नारायणी–माडी फिडरहरूः बिहान ६ः०० देखि ९ः०० र दिउँसो ३ः०० देखि ६ः०० बजेसम्म ।
२) मेघौली–विजयनगर–शुक्रनगर फिडरहरूः बिहान ९ः०० देखि १२ः०० र बेलुका ६ः०० देखि ९ः०० बजेसम्म ।
३) जगतपुर–रामपुर फिडरहरूः दिउँसो १२ः०० देखि ३ः०० र बेलुका ९ः०० देखि १२ः०० बजेसम्म ।










