काठमाडौँस्थित त्रिचन्द्र कलेजका विद्यार्थीहरूले सरकारलाई उच्च शिक्षामा लगानी बढाउन दबाब अभियान सुरु गरेका छन् । त्रिचन्द्रका विद्यार्थीहरुले ‘भिक्षा देही’ अभियान सुरु गर्दै उच्च शिक्षामा लगानी बढाउन सरकारलाई सिर्जना गर्न लागेका हुन् ।
त्रिचन्द्र कलेजको स्वतन्त्र विद्यार्थी युनियन (स्ववियु) को अगुवाइमा आज शुक्रबारदेखि सरकारलाई दबाब दिनका लागि ‘भिक्षा देही’ अभियान सुरू गरिएको स्ववियू सचिव आशिष गिरीले जानकारी दिए । सरकार आगामी आर्थिक वर्षको बजेटको तयारीमा रहेको र आगामी बजेटबाटै उच्च शिक्षामा लगानी वृद्धिका लागि ध्यानाकर्षण गराउन आफूहरुले यो अभियान सुरू गरेको उनको भनाइ छ ।
उनले शिक्षामा सरकारले हरेक वर्ष कुल बजेटको जम्मा १० देखि १५ प्रतिशत बजेट छुट्याउने गरेको तर, त्यसको जम्माजम्मी ८ देखि ११ प्रतिशतमात्र मात्र उच्च शिक्षामा विनियोजन गरिने भएकाले यो प्रावधानलाई सच्याउनुपर्ने आवश्यकता औल्याएका छन् ।
