अष्ट्रेलियामा दर्ता भई सञ्चालनमा रहेको शैक्षिक तथा माइग्रेशन परामर्श संस्था क्लिक कन्सल्टिङ ग्रुपले नेपालमा आपवm्नो औपचारिक रूपमा सेवा सुरु गरेको छ ।
कम्पनीका अनुसार क्लिक कन्सल्टिङ ग्रुप अष्ट्रेलियाको सिड्नी र न्युक्यासल सहरमा विगतदेखि नै सञ्चालनमा रहेको अष्ट्रेलियन रजिस्टर्ड माइग्रेसन तथा एजुकेसन कन्सल्टेन्सी हो । हाल यसले नेपालमा राजधानी काठमाडौको पुतलीसडकमा कार्यालय स्थापना गरी सेवा विस्तार गरेको हो । कार्यालयकाृ उद्घाटन मोडल करिश्मा श्रेष्ठ र व्यवसायी सञ्जोग कोइरालाले संयुक्त रूपमा रिबन काटेर गरेका थिए । कार्यालय उद्घाटन कार्यक्रममा विभिन्न क्षेत्रका व्यक्तित्व, व्यवसायी तथा शुभेच्छुकहरूको उपस्थिति रहेको थियो ।
कम्पनीले नेपालबाट अष्ट्रेलिया जान चाहने विद्यार्थी तथा इच्छुकहरूलाई लक्षित गर्दै भिसा, पीआर, स्किल असेस्मेन्ट, विश्वविद्यालय भर्ना लगायतका सेवा प्रदान गर्ने जनाएको छ ।
साथै, कम्पनीले विभिन्न परामर्श सेवा पनि दिने जानकारी दिएको छ । कार्यक्रममा बोल्दै कम्पनीका प्रतिनिधिहरूले क्लिक कन्सल्टिङ ग्रुपले पारदर्शी, विश्वसनीय र गुणस्तरीय सेवा प्रदान गर्ने प्रतिबद्धता व्यक्त गरे । नेपालका विद्यार्थी तथा युवाहरूलाई सही सूचना र कानुनी प्रक्रियामार्फत अष्ट्रेलियामा अध्ययन तथा बसोबासको अवसर दिलाउने लक्ष्य रहेको कम्पनीले जनाएको छ । अष्ट्रेलियाको रजिटर्ड माइग्रेसन एजेन्ट तथा कम्पनीका प्रमुख कार्यकारी अधिकृत सुनिल सिग्देलले शाखा उद्घाटनको अवसरमा कम्पनीले विशेष छुटको व्यवस्था गरेको समेत बताए ।
