२०८१ को एसईई परीक्षाको नतिजा आज शुक्रबार सार्वजनिक हुने भएको छ । नतिजा प्रकाशनबारे निर्णय गर्न राष्ट्रिय परीक्षा बोर्डको बोर्ड बैठक बोलाईएको छ। बोर्ड बैठकले निर्णय गरेपछि आज नतिजा सार्वजनिक हुने बताईएको छ।
२०८१ सालको परीक्षा ७ चैतदेखि सञ्चालन भएको थियो । परीक्षामा नियमिततर्फ ४ लाख ३१ हजार ४६६ र ग्रेडवृद्धितर्फ ६७ हजार ७१५ गरी जम्मा ४ लाख ९९ हजार १८३ विद्यार्थी सहभागी भएका थिए ।
विभिन्न २० तरिकाबाट माध्यमिक शिक्षा परीक्षा (SEE) २०८१ को नतिजा हेर्न सकिने भएको छ । राष्ट्रिय परीक्षा बोर्डले नतिजा प्रकाशन भएपछि SMS, IVR तथा Website बाट नतिजा हेर्न सकिने जनाएको हो । जस मध्ये एसएमएस र आईभिआर मार्फत ५ तरिकाबाट र अन्य १५ वटा वेबसाइट मार्फत नतिजा हेर्न सकिने छ।
राष्ट्रिय परीक्षा बोर्ड, परीक्षा नियन्त्रण कार्यलय कक्षा १० बाट सञ्चालित माध्यमिक शिक्षा परीक्षा (SEE) २०८१ को नियमित तथा ग्रेडवृद्धि परीक्षाको नतिजासम्बन्धी विवरण SMS, IVR र Website बाट प्रकाशित गर्न देहायबमोजिमका संस्थाहरुलाई निम्नानुसार छुट्टाछुट्टै Shortcode र Website प्रयोग गर्न स्वीकृति दिइएको बोर्डले जनाएको छ। सो Shortcode र Website बाट माध्यमिक शिक्षा परीक्षा (SEE) २०८१ को नतिजासम्बन्धी जानकारी प्राप्त गर्न सकिने बोर्डले उल्लेख गरेको छ ।
नतिजा प्रकाशन भएपछि नतिजा हेर्ने तरिका :
