माध्यामिक शिक्षा परीक्षा (एसईई) को नतिजा सार्वजनिक भएको छ । राष्ट्रिय परीक्षा बोर्ड, परीक्षा नियन्त्रण कार्यालयले आज बिहीबार नतिजा सार्वजनिक गरेको हो।
नतिजा अनुसार परीक्षामा सहभागी भएका कुल विद्यार्थीमध्ये ४७.८६ प्रतिशत विद्यार्थीमात्रै उत्तीर्ण भएका छन् । परीक्षामा ४ लाख ४४ हजार ७८५ जना विद्यार्थी सहभागी भएका थिए। जस मध्ये २ लाख ४२ हजार ९२ जना विद्यार्थीले मात्रै कक्षा ११ मा पढ्न पाउने भएका छन्। यी पास भएका मध्ये १८६ जनाले ४ जीपीए ल्याएका छन् ।
सहभागी भएकामध्ये ५२.१४ प्रतिशत परीक्षार्थीले ननग्रेड (एनजी) ल्याएका छन् । उनीहरुले कक्षा ११ पढ्न पाउने छैनन् । यस वर्ष लेटर ग्रेडिङ निर्देशिका, २०७८ अनुसार नतिजा सार्वजनिक गरिएको हो। जसमा सैद्धान्तिक र आन्तरिकको मूल्यांकन फरक–फरक रुपमा गर्ने व्यवस्था छ । विद्यार्थीले सैद्धान्तिकतर्फ हरेक विषयमा न्यूनतम ३५ प्रतिशत अंक ल्याउनुपर्नेछ । सैद्धान्तिकतर्फ ७५ पूर्णांकको परीक्षा हुने विषयमा ३५ प्रतिशत अर्थात् २६.२५ अंक नपाएका विद्यार्थीको प्रमाणपत्रमा एनजी (नन ग्रेडेड) उल्लेख हुनेछ । र, ग्रेड वृद्धि परीक्षा पास नभई कक्षा ११ मा पढ्न पाउने छैनन् ।
राष्ट्रिय परीक्षा बोर्डले विभिन्न १६ तरिकाबाट माध्यमिक शिक्षा परीक्षा (SEE) २०८० को नतिजा हेर्नसक्ने व्यवस्था गरेको छ। वेबसाइट, एसएमएस र आईभीआर मार्फत हेर्न सकिने व्यवस्था गरिएको छ । कार्यालयले २०८० सालको नियमित तथा ग्रेडवृद्धि परीक्षाको नतिजा सम्बन्धी विवरण Website, SMS र IVR बाट प्रकाशित गर्न देहाय वमोजिमका संस्थाहरुलाई निम्नानुसार छुट्टाछुट्टै Shortcode र Website प्रयोग गर्न स्वीकृति दिइएको जनाएको हो।
यस्ता छन्न नतिजा हेर्ने तरिका :
