बुद्ध एयरले आज बुधबारदेखि भारतको वाराणसीको लागि तेस्रो उडान थपेको छ । यसअघि साताको सोमबार र शुत्रबार मात्रै उडान हुने गरेकोमा अब तीन उडान हुने भएका छन् ।
साताको तीन उडानले यात्रुलाई आउजाउमा थप सहयोग पुग्ने बुद्ध एयरले जनाएको छ ।
बुद्ध एयरको भगनी संस्था बुद्ध होलिडेजसँग वाराणसी, सारनाथ, अयोध्या लगायतका वरपरका विभिन्न गन्तव्यको होलिडे प्याकेज पनि रहेको छ । यात्रुलाई भारतको गया गई सोह्र श्राद्ध गर्न थप सहयोग पुग्ने विश्वास लिइएको छ ।
बुद्धका उडानबाट काठमाडौँबाट वाराणसी ५० मिनेटमै पुग्न सकिन्छ । काठमाडौंबाट वाराणसी सुरुवाती एकतर्फी भाडा ११ हजार ३६० रहेको छ । उडान समय काठमाडौँबाट ७ः१५ तथा वाराणसीबाट ८ः३० रहेको कम्पनीले जनाएको छ ।
