नेपाल नागरिक उड्डयन प्राधिकरण (क्यान) लाई नियामक र सेवा प्रदायक निकायका रूपमा छुट्याउने विधेयक मन्त्रिपरिषद्मा पुगेको छ । संस्कृति, पर्यटन तथा नागरिक उड्डयनमन्त्री बद्री पाण्डेका अनुसार क्यानलाई नियामक र सेवा प्रदायक गरि दुइ निकायमा विभक्त गर्ने विधेयक मन्त्रिपरिषदमा पुगेको हो ।
मन्त्री पाण्डेका अनुसार नागरिक उड्डयन प्राधिकरणलाई नियामक र सेवा प्रदायक निकाय बनाउने गरि क्यानलाई टुक्य्राउन बनेको विधेयक अर्थ मन्त्रालय, कानुन मन्त्रालय हुँदै हाल मन्त्रिपरिषद्को विधेयक समितिमा पुगेको जानकारी गराएका हुन् ।
उनका अनुसार हालसम्म भएका सबै हवाई दुर्घटनाबारे छानबिन गर्न उच्चस्तरीय छानबिन समिति बनाउने प्रस्ताव पनि मन्त्रिपरिषद्मा पेश गरिएको छ ।
