नेपाल नागरिक उड्डयन प्राधिकरण (क्यान)ले नलिञ्चोकको हेलिपोर्टका विषयमा हेलिकप्टर पाइलटहरुले उठाएका विषय समाधान गर्ने गरि अध्ययन समिति बनाएको छ । १५ सदस्यीय समितिले ७ दिनभित्र अध्ययन सकेर समाधानका उपायसहित महानिर्देशक समक्ष प्रतिवेदन बुझाउनुपर्नेछ ।
नलिञ्चोक हेलिपोर्टबाट उडान तथा अवतरण गर्दा सुरक्षा चुनौति रहेको भन्दै पाइलटहरुले असार १६ गते क्यानमा लिखित पत्र दिएका थिए । पाइलटहरुले दिएको लिखित पत्रका सम्बन्धमा क्यानले कुनै सुनुवाई नगरेपछि पाइलटहरुले बुधबार निर्णय गर्दै उडान नगर्ने गरि हेलिकप्टर ग्राउण्डेड गरेका छन् । आज बिहिबारबाट नलिञ्चोकमा हेलिपोर्टमा हेलिकप्टरहरु ग्राउण्डेड भएका छन् ।
यस लगैत्त प्राधिकरणले अध्ययन समिति गठन गरेको हो । प्राधिकरणका सूचना अधिकारी ज्ञानेन्द्र भुलका अनुसार पाइलटहरुले उठान गरेका विषयबारे समितिले अध्ययन गरेर महानिर्देशक प्रदीप अधिकारीसमक्ष सिफारिस गर्नेछ ।
