बीवाइडी गाडीको नेपालका लागि आधिकारीक बिक्रेता साइमेक्स इंक र उसका डिलरहरुले घटस्थापनाको दिन १३२ युनिट ईभी डेलिभरी गरेका छन् । कम्पनीले एक विज्ञप्ती जारी गर्दै एकै दिन १३२ वटा गाडी डेलिभरी गरेर महत्वपूर्ण उपलब्धि हासिल गरिएको जनाएको छ ।
एकैदिन यति धेरै संख्यामा नेपाली इलेक्ट्रिक गाडी डेलिभरी हुनुले नेपालको इ–मोबिलिटीमा बीवाइडीले आफूलाई नेतृत्वकर्ताका रुपमा कायम गरेको कम्पनीले जनाएको छ ।
साइमेक्स इंकका नेसनल सेल्स हेड आशुतोष गौतमले एकै दिन १३२ ईभी डेलिभरी गर्न पाउनु कम्पनीका लागि गर्वको दिन भएको बताएका छन् ।
‘यसले बीवाइडीका इलेक्ट्रीक गाडीप्रति ग्राहकको बढ्दो विश्वासलाई प्रतिविम्बित गर्दछ, बेस्ट इन क्लास सर्भिस उपलब्ध गराउने हाम्रो प्रतिवद्धतालाई समेत यसले दर्शाउँछ’ उनले भने, ‘यो उपलब्धि नेपालीहरुको अझै सफा र दिगो मोबिलिटी समाधानप्रतिको बढ्दो जागरुकता पनि हो ।’
देशभर बीवाइडीको बजार उपस्थिति तीव्र रुपमा बढिरहेको छ । पछिल्लो समय वीरगन्ज, बनेपा र जनकपुर लगायतका स्थानमा शोरुम विस्तार गरेर बीवाईडीले देशभरी आफ्नो सेवालाई पुर्याइसकेको छ ।
