नेपालका लागि डोङफेङ नामीको आधिकारिक बिक्रेता एमएडब्लू वृद्धि मोटर्सले नामी भिगो ई२ सार्वजनिक गरेको छ । कम्पनीले ३५ लाख ९९ हजार रुपैयाँ मूल्य तोकेर नामी भिगो ई२ सार्वजनिक गरेको हो ।
भदौ ९ गतेदेखि सुरु हुने नाडा अटो शो अवधिभर यो मूल्य लागू हुनेछ । त्यसपछि ३७ लाख ९९ हजार रुपैयाँ कायम हुनेछ ।
फुल एसयूभी नामी भिगो ई २ मा ४४.९४ किलोवाट आवर र ५१.८७ किलोवाट आवरको ब्याट्री विकल्प दिइएको छ । ४४.९४ किलोवाट आवरको ब्याट्री प्याक भएको मोडलले ३०० र ५१.८७ किलोवाट आवरको ब्याट्री भएको मोडलले ३५० किलोमिटर रेन्ज दिने बताइएको छ ।
कम्पनीका अनुसार यो ईभीले १६७ किलोवाटको डीसी फास्ट चार्जर सपोर्ट गर्छ । कम्पनीले ५० वाटको वायरलेस चार्जर पनि दिएको छ ।
१२.८ इन्चको इन्फोटेन्टमेन्ट सिस्टम, ८.८ इन्चको इन्फरमेशन डिस्प्ले र ३६० डिग्री क्यामेरा जस्ता फिचर्स भएको यो ईभीमा ६ एयरब्याग, एडास जस्ता आधुनिक र सुरक्षित विशेषताहरु छन् ।
