ओमोडाको प्रिमीयम इलेक्ट्रिक एसयूभी ‘ओमोडा ई–५ प्रो’ नेपाली बजारमा सार्वजनिक गरिएको छ । यो एसयूपीले भविष्य केन्द्रित उच्चतम् प्रविधि र आधुनिक डिजाइनलाई समेटेको छ ।
यो इलेक्ट्रिक एसयूभीमा ५०.६ किलोवाट घण्टा क्षमताको एलएफपी ब्याट्री, ९९ किलोवाट मोटर छ । यसले एक पटकको फुल चार्जमा ३५० किलोमिटरसम्म रेन्ज दिने कम्पनीको दाबी छ ।
सुरक्षातर्फ यसले ५ स्टार सुरक्षा रेटिङ प्राप्त गरेको छ । यसमा ७ एयरब्याग, १९ भन्दा बढी एडास सुरक्षा तथा कम्फर्ट फिचर, ५४० डिग्री क्यामेरा, १९१ एमएम ग्राउण्ड क्लियरेन्स तथा १८ इन्चको अलोय ह्विल उपलब्ध छन् ।
गाडीमा ६ प्रकारका मसाज अप्सनसहितका पाइलट सिट, चालक तथा चालक सँगैको दुवै सिटमा हीटिङ र भेन्टिलेसन सुविधा दिइएको छ । साथै १५.६ इन्चको टचस्क्रिन, ५० वाट वायरलेस चार्जर, ८ वटा सोनी स्पिकर, ७० लिटर क्षमताको फ्रङ्क तथा ३.३ किलोवाट क्षमताको भेहिकल टु लोड सुविधा पनि समावेश गरिएको छ ।
विभिन्न ८ कलर अप्सनमा उपलब्ध रहेको ओमोडा ई–५ प्रो मा कम्पनीले ११ वर्ष वा २ लाख ४० हजार किलोमिटरसम्मको वारेन्टी प्रदान गर्ने जनाएको छ ।
कम्पनीले ओमोडा ई–५ प्रोको प्रारम्भिक मूल्य मोनो टोन भेरियन्टको ४९ लाख ९९ हजार रुपैयाँ र डुअल टोन भेरियन्टको ५१ लाख ९९ हजार रुपैयाँ तोकेको जनाएको छ ।
कम्पनीका अनुसार नेपाली बजारमा हालसम्म ओमोडाका १ हजार ५ सय भन्दा बढी उपभोक्ता रहेका छन् ।
