बीवाईडी गाडीको नेपालका लागि आधिकारिक वितरक साइमेक्स इंकले काठमाडौँ उपत्यकामा दुई नयाँ सर्भिस सेन्टर सञ्चालनमा ल्याएको छ । साइमेक्सले गौरीघाट । कुपण्डोलमा अत्याधुनिक सर्भिस सेन्टर सञ्चालनमा ल्याएको हो ।
गौरीघाटमा सुविधा थपेर सर्भिस सेन्टर
सन् २०२२ देखि सञ्चालनमा रहेको गौरीघाटस्थित सर्भिस सेन्टरलाई बीवाईडीले आफ्नो पछिल्लो गाइडलाइन अनुसार थप परिस्कृत गरेर सञ्चालनमा ल्याएको छ ।
४५ हजार वर्गफिट क्षेत्रफलमा फैलिएको उक्त अत्याधुनिक सर्भिस सेन्टरमा इलेक्ट्रिक भेइकलका लागि आवश्यक स्पेसलाइज्ड टुल सेटबाट सञ्चालन गर्न सकिने ८ सर्भिस बे रहेका छन् । स्पेयर पार्ट्स वेयर हाउससमेत रहेको कम्पनीले जनाएको छ ।
डेन्ट पेन्ट सर्भिसका लागि डेडिकेटेड स्टेसन र ग्राहकका लागि कम्फर्टेबल लाउन्ज समेत रहेको छ ।
गौरीघाट सर्भिस सेन्टरमा सुपेरियर सर्भिस प्रदान गर्न सक्षम ५० कर्मचारी छन् । उक्त सर्भिस सेन्टरको उद्घाटन फर्स्ट जेन बीवाईडी ई६ को पहिलो ग्राहक सविन तन्डुकारले गरे ।
कुपण्डोलमा नयाँ सर्भिस सेन्टर
ललितपुरका लागि बीवाईडीको आधिकारिक वितरक रहेको इको ड्राइभ अटोमोबाइल्सले कुपण्डोलमा नयाँ सर्भिस सेन्टर सञ्चालनमा ल्याएको छ । ८ हजार ५५६ वर्गफिट क्षेत्रफलमा फैलिएको सो सर्भिस सेन्टरमा ६ सर्भिस बे रहेका छन् । यी मध्ये २ वटा अर्जेन्ट सर्भिसका लागि प्रयोग गर्न सकिन्छ भने ४ वटा स्पेसलाइज्ड ईभी टुल्सद्वारा सुसज्जित छन् ।
सो सर्भिस सेन्टरमा वासिङ बे र स्पेयर पार्ट्सका लागि डेडिकेटेड वेयर हाउस रहेको छ ।
इको ड्राइभका पहिलो ग्राहक अनिल जलान र बीवाईडी डल्फिनका पहिलो ग्राहक कृष्ण उप्रेतीले सो सर्भिस सेन्टरको उद्घाटन गरेका थिए ।
